Elbasy Shavkat Mırzıóevti ótken prezıdent saılaýyndaǵy aıqyn jeńisimen quttyqtap, baýyrlas Ózbekstan halqynyń ıgiligi jolyndaǵy jasampaz qyzmetine jańa tabystar tiledi.
Nursultan Nazarbaev Ózbekstan Respýblıkasynyń Prezıdenti Shavkat Mırzıóevpen kezdesti, dep habarlaıdy Almaty-akshamy.kz Elbasy.kz saıtyna silteme jasap.
«Saılaýaldy naýqan barysynda Siz usynǵan «Jańa Ózbekstan» strategıalyq baǵdarlamasynda naqty maqsattar men mindetter aıqyndalǵan. Halyq memlekettiń qaı baǵytta damyp kele jatqanyn bilip otyrýǵa tıis. Kezinde men de «Qazaqstan – 2030» Strategıasyn, keıin elimizdiń 2050 jylǵa deıingi damý baǵdarlamasyn usynǵan edim. Men Memleket basshysy laýazymynda bolǵan jyldary árdaıym bizdiń elderimiz arasyndaǵy ekijaqty baılanystardy damytýǵa basa mán berdim. Siz muny jaqsy bilesiz», – dedi Qazaqstannyń Tuńǵysh Prezıdenti.