Bul jınaqtyń alǵashqy úsh tomy Saıası qýǵyn-súrgin jáne asharshylyq qurbandaryn eske alý kúni qarsańynda jaryq kórgen edi.
Senat Tóraǵasy Máýlen Áshimbaevtyń qatysýymen «Asharshylyq. Golod. 1928-1934. Dokýmentalnaıa hronıka» jınaǵynyń IV-V tomdary kópshilikke tanystyryldy, dep habarlaıdy Almaty-akshamy.kz
İs-shara barysynda Máýlen Áshimbaev mundaı eńbektiń Táýelsizdiktiń 30 jyldyǵy qarsańynda basylyp shyǵýynyń mańyzy zor ekenine nazar aýdardy. Ol óz sózinde egemendik alǵaly elimiz tarıhymyzdy taný jolynda tolaıym tabysqa qol jetkizgenin atap ótti.
«Biz Táýelsizdigimizdiń 30 jyldyq tarıhı mejesin aıtýly jetistiktermen qarsy alyp otyrmyz. Osy aralyqta tarıhymyzdy taný, rýhanıatymyzdy dáripteý jáne ulttyq qundylyqtarymyzdyń órisin keńeıtý jolynda aýqymdy jumys atqaryldy», – dedi Senat Tóraǵasy.