Gastroenterolog Evgenıa Melnıkova mandarındi kóp jeýge bolmaıtynyn aıtty, - dep habarlaıdy aqshamnews.kz tilshisi "Lenta.rý" basylymyna silteme jasap.
"Mandarınderdi kóp jeý qyjyldy qozdyryp, gastroezofagealdy reflúks aýrýy, gastrıt, asqazan-on eki eli ishek jarasy sıaqty dertterdiń belgilerin kúsheıtýi múmkin. Budan bólek, bul jemiste jasunyq kóp, sondyqtan ol ishtiń kebýine jáne gazdyń kóbeıýine ákeledi", - dedi dáriger.
Gastroenterolog mandarınderdiń tuz qyshqylynyń bólinýin yntalandyratynyn da aıtty. Sondyqtan ony artyq jeý asqazan-ishek jolynyń sozylmaly aýrýlarynyń asqynýyna sebep bolýy yqtımal.
Melnıkova sıtrýs jemisteri kúshti taǵamdyq alergender ekenin de atap ótti. Olarǵa reaksıa ártúrli bolýy múmkin: bórtpe, qyshyný jáne teriniń qyzarýynan bastap konúnktıvıtke, murynnan sý aǵýǵa jáne Kvınke isinýine deıin. Mamandynyń aıtýynsha, qysqy merekeler kezinde alergıalyq ustama qaýpi júıeli túrde artyq tamaqtaný jáne ımmýn júıesine túsetin júktemeniń artýy saldarynan joǵarylaıdy.