26 aqpan – 3 naýryz aralyǵynda Dýbaıda (BAÁ) ATP 500 sanatyndaǵy týrnır ótedi, dep habarlaıdy almaty-akshamy.kz.
Qazaqstannyń ekinshi, álemniń 45-raketkasy Aleksandr Shevchenkoǵa qıyn qarsylas tap boldy.
A.Shevchenko alǵashqy aınalymda álemniń tórtinshi, osy jarystyń 1-raketkasy, reseılik Danııl Medvedevpen sheberlik baıqasady.
Bul reseılik tenısshiniń bıylǵy Aýstralıa ashyq chempıonatynyń fınalynan keıingi alǵashqy kezdesýi bolmaq.
Qazaqstannyń birinshi, álemniń 21-raketkasy Aleksandr Býblık irikteý saıysy jeńimpazdarynyń birimen kortqa shyǵady.
Ótken jyly Dýbaıda otandasy Andreı Rýblevti fınalda utqan D.Medvedev chempıon bolǵan edi.
Jarystyń júlde qory 2,9 mln AQSH dollaryna baǵalanyp otyr.