Almatyda kún saıyn baqylaýshy bolýǵa kandıdattar úshin oqytý trenıń-semınarlary ótkiziledi. Búgin megapolıste saılaýdy táýelsiz baqylaý taqyryby boıynsha «El erteńi» qoǵamdyq qorynan 170 adam oqýdan ótti, - dep habarlaıdy almaty-akshamy.kz
Trenıńter barysynda saılaý zańnamasynyń negizderi, azamattyq qoǵammen ózara is-qımyl tásilderi men ádisteri, sondaı-aq saılaý zańnamasyn buzǵany úshin jaýapkershilik júkteletini pysyqtaldy.
«Biz búgin trenıńten óttik, onyń barysynda árbir baqylaýshy ustanýy tıis negizgi mindetter men algorıtmder týraly tereń bilip, habardar boldyq. Iaǵnı, trenıń barysynda biz saılaý zańnamasynyń negizderin, azamattyq qoǵammen ózara is-qımyl ádisterin zerttedik, sondaı-aq saılaý zańnamasyn buzǵany úshin jaýapkershilik júkteletini týraly bildik. Sonymen qatar, bizdi SMM erejelerimen, saılaý ýchaskesinde ózimizdi qalaı ustaý kerektigi jónindegi belgili erejeler jáne normalarmen tanystyrdy», - dep bolashaq baqylaýshy Ámına Ábilqaıyrqyzy óz oıymen bólisti.
Oqýdan ótken taǵy bir qatysýshy kýrstardyń mańyzdylyǵy men alǵan bilimderiniń bolashaqta paıdalylyǵyn atap ótip, emosıalarymen bólisti.
«Búgin biz trenıńten ótip, qyzmetkerlerdiń, baqylaýshylar men saılaýshylardyń rólderinde ózimizdi synap kórdik. Bul proses barysynda biz kóp nárseni bildik: saılaý prosesindegi negizgi zańnamalar, azamattarmen ózara is - qımyl, saılaýǵa qatysatyn árbir adamnyń minez-qulyq erejeleri jáne t.b. Meniń oıymsha, búgin alǵan bilimimiz bizge saılaýdaǵy jumysymyzda ǵana emes, bolashaqta da kómektesedi. Bul alǵan bilimniń barlyǵy aldaǵy ómirde úlken tájirıbe bolady», - dep atap ótti «El erteńi» múshesi Aıda Alpys.
Qatysýshylar jeke jáne kúrdeli máselelerdi taldap, saılaý ýchaskelerinde monıtorıń júrgizý tártibin pysyqtady. Odan bólek, sarapshylar jıi kezdesetin buzýshylyqtar týraly áńgimelep, baqylaýshylardyń quqyqtary men mindetterin talqylady, sonymen qatar, buzýshylyqtar anyqtalǵan kezdegi baqylaýshynyń áreketterin qarastyrdy..