QR Bas memlekettik eńbek ınspektory Tólegen Ospanqulov osylaı dedi.
Jumys berýshiler vaksına almaǵandardy jumystan ótemaqysyz shettete alady, dep habarlaıdy Almaty-akshamy.kz
«Vaksınalaý - qazirgi tańda óte ózekti másele bolyp otyr. Bizge óte kóp saýaldar kelip túsedi. Búgingi tańda Densaýlyq saqtaý mınıstrligi sanıtarlyq norma jarıalady. Dúısenbiden beri ol norma kúshine engen bolatyn. Sol normada jumys berýshi mindetti vaksınasıadan ótpegen adamdy jumysqa jibermeýi kerek ekeni jazylǵan. Mindetti vaksına almaǵan adamdar PTR testiden ótýi kerek», - dep túsindirdi eńbek ınspektory.
Mamannyń aıtýynsha, bul – respýblıkalyq problema.
«Eńbek kodeksiniń talaptary boıynsha búgingi tańda jumys berýshiler respýblıkanyń nemese óńirdiń bas sanıtar dárigeriniń qaýlysyn negizge ala otyryp, vaksına almaǵan jáne PTR testiden ótpegen jumysshylardy eńbekke aralastyrmaý kerek. COVID-19-ben aýyrǵan adamdy jumysqa jibermeý kerektigi týraly tikeleı norma bolmaǵanymen, Eńbek kodeksiniń 48-babynyń 1-bóliginde zańnamalyq jáne memlekettik organdar shyǵarǵan aktiler negizinde eńbekten shekteýge jol beriletini aıtylǵan. Iaǵnı, Densaýlyq týraly kodeks boıynsha Bas sanıtar dárigerdiń qaýlysyn oryndaý mindetti. Sondyqtan qazirgi tańda jumys berýshiler vaksına almaǵan jumysshylardy eńbekten shekteýge quqyly. Tipti jumystan shettetilgen ýaqytta aılyq tólemeı de shekteı alady. Biraq ekijaqty kelisim bolsa, aılyqtyń 50 paıyzyn nemese eń tómengi eńbekaqy mólsherin tóleı alady. Biraq eki jaqtyń da kelisimi bolǵanda ǵana osylaı bolýy múmkin», - dedi Tólegen Ospanqulov.