Biraq bul shekteýdiń 18 jasqa tolmaǵan, turaqty medısınalyq qarsy kórsetilimderi bar jáne koronavırýspen aýyryp shyqqan stýdentterge qatysy joq.
Qazaqstannyń bas sanıtar dárigeriniń jańa qaýlysyna sáıkes, vaksına almaǵan stýdentterge jataqhanaǵa ornalasýǵa tyıym salynady, dep habarlaıdy Almaty-akshamy.kz
«Bógde adamdardyń kirýine tyıym sala otyryp, COVID-19-ǵa qarsy vaksına alǵan stýdentter (18 jasqa tolmaǵan, sondaı-aq turaqty medısınalyq qarsy kórsetilimderi bar jáne keıingi úsh aı ishinde koronavırýspen aýyrǵan stýdentterdi jataqhanaǵa ornalastyrýǵa jol beriledi) jataqhanaǵa ornalastyrylsyn», – delingen atalmysh qaýlyda.
Oqý jyly bastalǵanǵa deıin vaksınanyń tolyq komponentin alyp úlgermegen stýdentter ekpeniń ekinshi dozasyn oqý orny ornalasqan aýmaqtaǵy medısına uıymdarynda alýyna bolady.
Al sheteldik stýdentter turǵylyqty eldiń ýákiletti organy rastaǵan COVID-19-ǵa qarsy vaksınasıalaýdyń tolyq dozasyn alǵan jaǵdaıda ǵana Qazaqstan aýmaǵyna oqýǵa kirgiziledi.
«Sheteldik stýdentter shekaradan ótkennen keıin 3 táýlikten keshiktirmeı PTR ádisimen alynǵan COVID-19-ǵa testileýdiń teris nátıjesi bar bolǵan jaǵdaıda kúndizgi oqý formatyna jiberilsin», – dep jazylǵan qaýlyda.
Sonymen birge stýdentterge ýnıversıtetke Ashyq qosymshasy arqyly kirýge ruqsat etiledi. Budan bólek ustazdardyń, personal men bilim alýshylardyń dene qyzýy kún saıyn ólshenedi.