2025 jylǵy 21 sáýirde Astanada Memleket basshysynyń qatysýymen ekofestıval ótti, onyń aıasynda ınovasıalyq ekologıalyq jobalar men startaptardy kórsetý úshin kórme jáne ınteraktıvti aımaqtar uıymdastyryldy.
Qaldyqtardy qaıta óńdeý boıynsha «Qaldyqtardyń ekinshi ómiri» atty 7 kórme aımaǵy quryldy. Mysaly, Kazstonebox jobasy ekologıalyq jáne sýǵa tózimdi materıal – tas qaǵazdan jıhaz ben qaldyqtardy bólip jınaýǵa arnalǵan konteınerler shyǵarady, dep habarlaıdy aqshamnews.kz.
Bul ónimder tózimdi, ylǵaldan qoryqpaıdy, bastysy aǵash pen plasıkke ekologıalyq taza balama bola otyryp, tolyǵymen qaıta óńdeledi. Technic Destroy lıtıı-ıondy batareıalardy qaıta óńdeıdi jáne ondaǵy baǵaly metaldardy (lıtıı, kobált, mys) óndiriske qaıtarady.
Bul qorshaǵan ortanyń lastanýyn azaıtyp qana qoımaı, shıkizat ımportyna táýeldilikti azaıtady. «Jasyl tehnologıalar» baǵyty boıynsha Halyqaralyq jasyl tehnologıalar jáne ınvestısıalyq jobalar ortalyǵy 9 aımaq uıymdastyrdy.