Tanymal akter Dáýren Aıdarqulov jaqynda úshinshi ret otbasyn qurǵan edi. Ol áıelimen qalaı tanysqanyn aıtty, - dep habarlaıdy Azattyq Rýhy.
"Birneshe aı buryn Threads-ti óshirip tastadym. Sebebi bul qoldanbadan kerek dúnıeniń bárin aldym. Shynymdy aıtsam, men ony ózime jar tabý úshin ǵana qoldandym", - dep jazdy akter.
Onyń aıtýynsha, akter bolashaq jaryn eki aıda izdep tapqan.
"Qosymshanyń algorıtmi meniń qandaı adamdy izdep júrgenimdi túsingen sıaqty, paraqshamda qalyńdyq bolýy múmkin qyzdar kezdese bastady. Eki aı ótken soń qyzyq bir paraqshaǵa kózim tústi de, birden habarlastym. Al eki aptadan keıin úılenemiz dep sheshim qabyldadyq. Qysqasy, áleýmettik jeliniń paıdasy bar eken", - dep túıindedi Dáýren Aıdarqulov.
Eske salaıyq, jaqynda Dáýren Aıdarqulov úshinshi ret úılengen bolatyn. Jelide qyz uzatý toıynan vıdeolar jarıalandy. Óner ıesi áıeliniń esimi Juldyz ekenin jasyrmady.