Beıjińdegi qysqy Olımpıadada Qazaqstan týyn alyp shyqqan kónkıshi Ekaterına Aıdova oıynnyń ashylý saltanatyna qatysty oıyn ortaǵa salyp, barsha qazaqstandyq sportshylarǵa tórtjyldyq dodasynda sáttilik tiledi, dep habarlaıdy Almaty-akshamy.kz Olympic.kz-ke silteme jasap.
«Qadirli qazaqstandyqtar! Barshańyzdy kópten kútken mańyzdy oqıǵa – Beıjińdegi Olımpıada oıyndarynyń ashylýymen shyn júrekten quttyqtaımyn! Ashylý saltanatyna Memleket basshysynyń kelgeni de biz úshin qýanyshty ári tolqynysty sát. Qazaqstan komandasynyń tý ustaýshylary úshin úlken abyroı.
Ashylý saltanatynda bastan ótkergen sezimderimdi sózben jetkizý qıyn. Munda qobaljý da, maqtanysh ta, tańdanys ta bar. Olımpıadashy bolýdyń ózi úlken jeńis! Al komandany atletter sherýine bastap shyǵý úlken mártebe! Bizdiń obrazymyz barlyǵyna unady. Kostúmimizdi báriniń joǵary baǵalaǵany qýantady. Ashylý saltanaty da keremet ótti.
Bárimizge belgili kedergilerge qaramastan, úlken merekeniń abyroımen ótkeni qýantady. Dál qazirgi mıllıon túrli sezimderdi bastan keshýdemin. Barlyq qazaqstandyqtarǵa sáttilik, jeńis tileımin. Jankúıerlerge aıtar alǵysymyz sheksiz! Bizge qoldaý kórsetińizder», - dedi sportshy.