Elektrondyq memlekettik qyzmetterdi eń kóp paıdalanýshylar Qaraǵandy oblysynyń turǵyndary boldy.
Úzdik úshtikke Almaty (paıdalanýshylardyń 36,4%) jáne Shyǵys Qazaqstan (paıdalanýshylardyń 35,7%) oblystary da kirdi, dep habarlaıdy Almaty-akshamy.kz Finprom.kz-ke silteme jasap.
Ulttyq statısıka búrosynyń saýalnamasyna sáıkes, 2021 jyly úı sharýashylyǵyndaǵylardyń 26,7%-y elektrondyq memlekettik qyzmetterdi paıdalanǵan, bul bir jyl burynǵydan 4,1 paıyz az. 2021 jyldyń nátıjesi Qazaqstanda sıfrlandyrýdyń damýyna qaramastan, sońǵy bes jyldaǵy eń tómengi kórsetkish boldy.
Salystyrmaly túrde aıtar bolsaq, 2020 jyly bul kórsetkish 30,8%, 2019 jyly – 30,4%, 2018 jyly – 34,6%, 2017 jyly – 33,2%-dy qurady.
Óńirler boıynsha aıtsaq, elektrondy memlekettik qyzmetterdi eń belsendi paıdalanýshylar Qaraǵandy oblysynyń turǵyndary boldy: respondentterdiń 43,1%-y qyzmetterdi paıdalandy.
Úzdik úshtikke Almaty (paıdalanýshylardyń 36,4%) jáne Shyǵys Qazaqstan (paıdalanýshylardyń 35,7%) oblystary da kirdi.
Elektrondyq memlekettik qyzmetterdi eń az paıdalanatyn óńir – Mańǵystaý oblysynyń turǵyndary. Sondaı-aq Jambyl oblysy men Shymkent qalasy da osy qatarǵa kirdi.
eGov.kz saıtyndaǵy eń tanymal qyzmet Úkimet saıty arqyly aqparat alý boldy. Qyzmetti respondentterdiń 22,3%-y paıdalandy.