Keńestiń otyrysynda osyndaı sheshim qabyldandy.
Eýrazıalyq ekonomıkalyq komısıa keńesiniń kezekten tys otyrysynda 917 taýar túrine arnalǵan kedendik ákelý bajdaryn nóldeý týraly sheshim qabyldandy, dep habarlaıdy Almaty-akshamy.kz.
Mamandardyń aıtýynsha, tizbege azyq-túlik taýarlary men olardy óndirýge arnalǵan quraýyshtar, býyp-túıý materıaldary, hımıalyq ónimder, kólik quraldaryn óndirýge jáne jóndeýge arnalǵan quraýyshtar kirdi.
«Budan basqa, EAEO elderiniń avtoóndirýshilerin qoldaý maqsatynda EEK keńesi olarǵa EAEO tehnıkalyq reglamentiniń biryńǵaı talaptarynan ózgeshe ulttyq zańnama talaptary boıynsha avtomobılder shyǵarýǵa 2023 jylǵy 1 aqpanǵa deıin ýaqytsha negizde ruqsat berdi», - delingen Saýda jáne ıntegrasıa mınıstrliginiń baspasóz qyzmetiniń habarlamasynda.
Atap aıtqanda, elderge kólik quraldarynyń ekologıalyq klasy (qazirgi ýaqytta tek K-5 ekologıalyq klasty avtomobılderdi shyǵarý qajet), pasıvti qaýipsizdik quraldarymen (ESP), jedel qyzmetterdi shaqyrý qurylǵylarymen (GLONASS), mıkrochıpterdi qoldaný múmkin emestigi (jartylaı ótkizgishterdiń bolmaýy), rúldik basqarý quraldary, belsendi qorǵanys boıynsha talaptardy qoldaný jónindegi sheshimderdi óz betinshe qabyldaý usynyldy.
Ońaılatylǵan talaptar boıynsha shyǵarylǵan avtomobılder tek óndirýshi eldiń aýmaǵynda ǵana aınalysqa túse alady. Sondaı-aq basqa múshe memleket tulǵalarynyń osyndaı kólik quraldaryn, onyń ishinde senimhat boıynsha paıdalaný, ıelený jáne olarǵa bılik etý quqyqtaryn iske asyrýyna jol berilmeıdi. Qazaqstandyq taraptyń usynysy boıynsha EAEO tehreglamentiniń biryńǵaı talaptaryna sáıkes kelmeıtin avtomobılderdiń shekarany kesip ótpeýin baqylaýdy olar óndirilgen elge júkteledi.
EEK Keńesiniń otyrysy barysynda EAEO-nyń kedendik aýmaǵyna ákelinetin taýarlardyń shyǵý tegin aıqyndaý qaǵıdalaryn ońaılatý týraly sheshim qabyldandy. Atap aıtqanda, biz taýarlardyń shyǵý tegi týraly preferensıaly emes sertıfıkattardyń kóshirmelerin paıdalanýǵa ruqsat berý, sertıfıkattardy resimdeýge qoıylatyn talaptardy jeńildetý jáne t.b. týraly aıtyp otyrmyz.
Eýrazıalyq ekonomıkalyq komısıa Keńesiniń kelesi kezekti otyrysy 15 sáýirde ótedi.