Úkimettiń baspasóz qyzmetiniń málimdeýinshe, dúken sórelerindegi otandyq taýarlar úlesin arttyrý maqsatynda otandyq óndirýshiler ónimderi úshin keminde 50% sórelik keńistikti kózdeıtin baǵdarlama iske qosyldy, dep habarlaıdy aqshamnews.kz
Otandyq taýar óndirýshilerdiń biryńǵaı tizilimi jasalyp jatyr, bul kompanıalarǵa memlekettik qoldaý sharalaryna, sondaı-aq memlekettik jáne kvazımemlekettik satyp alýlarǵa qol jetkizýge múmkindik beredi.
Sonymen qatar sapasyz ári qaýipti ónimderdiń naryqqa enýine shekteý qoıý baǵytynda belsendi jumys júrgizilip jatyr.
«Barlyq baqylaýshy organdardyń qatysýymen Ahýaldyq shtab tıimdi jumys atqarýda. 47 myńnan astam kólik tekserildi, taýarlyq salmaqta bul 600 myń tonnadan astam mal sharýashylyǵy ónimderi. Onyń ishinde 900-den astam avtokólik keri qaıtaryldy, 1 myńnan astam sáıkestikti rastaý qujattarynyń kúshi joıyldy», – dedi Saýda jáne ıntegrasıa mınıstri Arman Shaqqalıev.