Prezıdent Joldaýynda belgilengen mindetterge sáıkes Úkimet taýar naryqtarynda ashyq jáne básekelestik jaǵdaılar týǵyzý úshin tıisti sharalar qabyldaýda. Máselen, 2024 jylǵy jeltoqsanda naryqtyń ashyq jumys isteý erejelerin ornatý úshin básekelestik ortany damytýǵa baǵyttalǵan Bırjalyq saýda týraly zań qabyldandy.
«Áleýmettik mańyzy bar bırjalyq taýar» uǵymy zańnamalyq túrde engizildi, ol energetıkalyq jáne azyq-túlik qaýipsizdigin qamtamasyz etý úshin sheshýshi mańyzǵa ıe. Bul alypsatarlyqty joıyp, baǵany ashyq belgileýge jáne otandyq naryqty osy taýarlarmen turaqty qamtamasyz etýge kepildik beredi», — dep atap ótti saýda jáne ıntegrasıa mınıstri Arman Shaqqalıev.
Odan bólek, áleýmettik mańyzy bar taýarlarmen saýdany júzege asyrýǵa ýákiletti bırjalardy konkýrstyq irikteý tetigi engizildi. Bul affılıırlengen qurylymdardyń qurylýyn boldyrmaıdy jáne qatysýshylardyń saýda alańdaryna teń qol jetkize alýyna kepildik beredi.