Aǵymdaǵy jyldyń 30 qazanynan bastap kólik jelisine qala mańyna qatynaıtyn №247 baǵyt boıynsha 4 jyljymaly birliki shyǵady, ol «Burylatyn alańy Tóle bı - Iassaýı - Myńbaev kenti» syzbasy boıynsha qozǵalatyn bolady, dep habarlaıdy almaty-akshamy.kz
Jolaýshylar men júkti avtomobıl kóligimen tasymaldaý Erejelerine sáıkes qyzmet «Almaty transavto» JSHS tasymaldaýshysyna berildi. Osy baǵytta kóliktik qyzmet kórsetý úshin syıymdylyǵy shaǵyn Isuzu le-60 markaly avtobýstar júretin bolady.
Aıta keterligi, Almaty aglomerasıasyn damytý aıasynda 2023 jyly Almaty qalasynyń mobıldilik basqarmasy 25 eldi mekendi qamtı otyryp, qala mańynda 10 jańa baǵyttardy uıymdastyrýdy josparlap otyr. Buǵan deıin 4 baǵyt iske qosylǵan – bul №223 «Saıahat-Nura jáne Týǵanbaı aýyldary», №233 «Qaraoı – Saıahat aýyly», №240 «Batyr aýyly – «Adem-1» SÚ, Soltústik aınalym kóshesi, №236 «Tóle bı - Iassaýı burylys alańy - Qarǵaly kenti». Qalǵan marshrýttar ázirlenýde.
Budan basqa, Almaty jáne Almaty aglomerasıasyn damytý josparyna sáıkes 2024 jyldyń sońyna deıin qala mańyna qatynaıtyn 20 jańa baǵyttardy uıymdastyrý josparlanýda, olardyń esebinen 50 eldi meken kólikpen qamtylatyn bolady.