Qytaımen aradaǵy shekarada ornalasqan "Dostyq" stansıasynda júk tıeý termınalynyń ekinshi bóligi iske qosyldy.
Infraqurylymdyq nysannyń qurylysyna 9 mlrd teńgeden astam ınvestısıa tartylǵan. "Dostyq" stansıasyndaǵy júk tıeıtin keshen jylyna 160 myńnan 320 myń konteınerge deıin ótkizedi, dep habarlaıdy Almaty-akshamy.kz Qazaqtv.com saıtyna silteme jasap.
Jańa nysan Qytaıdan Qazaqstan arqyly Eýropa, Ortalyq Azıa jáne Parsy shyǵanaǵy elderine tasymaldaý jyldamdyǵyn da arttyrady. Taǵy bir aıta keterligi, munda joldar negizgi magıstraldan tys ornalasqan. Sondyqtan bul transshekaralyq temirjol torabyn bosatýǵa múmkindik beredi. Aıta keteıik, Batys Germanıaǵa aspan asty eline turmystyq tehnıka tıelgen poıyz jóneltildi.
"Mundaı úlken ınfraqurylymdyq jobalar, eń aldymen, bizdiń eldiń kólik áleýetin keńeıtýge septigin tıgizedi. Qytaıdan Eýropaǵa jáne kerisinshe tasymaldanatyn tranzıt kólemi qansha júk tıeý oryndarynyń bar ekenine, olardyń qanshalyqty zamanaýı jáne durys jumys isteıtinine baılanysty", - dedi Kólik-logıstıkalyq kompanıanyń basshysy Tımýr Qarabaev.
Aıta ketý kerek, 2021 jyly Qazaqstan arqyly tasymaldaý kólemi 20%-dan astam ósti. Mıllıonnan asa konteıner júk tranzıtimen jóneltildi.