Qazaqstandyq ánshiniń fanattary qaterli isikpen kúresip jatqan balalarǵa kómektesti
Mereke Djordjtaýn qalasyndaǵy aýrýhanada ótti. Dımash fan-klýbynyń músheleri men olardyń dostary 35 balaǵa oıynshyqtar, kádesyılar jáne jeke gıgıena quraldaryn syıǵa tartty, dep habarlaıdy Almaty-akshamy.kz 24.kz-ke silteme jasap.
Qazaqstan elshiliginiń ókili fan-klýb pen aýrýhananyń kishkentaı emdelýshilerine Qazaqstanǵa baılanysty estelik syılyqtar tabys etti.
Ádettegideı týǵan kún dastarhanynda Dımashtyń beınesi bar tort boldy. Qazaqstandyq ánshi búgin 28 jasqa toldy. Onyń jankúıerleri Malaızıada jyl saıyn 24 mamyrda kýmırine arnalǵan túrli sharalar ótkizedi.
"Dımash – bári bir-birin oılaıtyn, birtutas álemdi kórýdi armandaıtyn, qazaqtyń asa qurmetti ónerpazy. Onyń jyrlaryndaǵy lebizderi kóptiń júregin eljiretip, ıgi isterge baýlıdy. Dımash balalardy qoldaıdy, óıtkeni olar – bizdiń bolashaǵymyz. Onyń týǵan kúnine oraı, jankúıerleri qaterli isikke shaldyqqan balalarǵa qoldaý kórsetip, olarǵa syılyqtar jiberý arqyly mahabbat pen qýanyshpen bólisýdi sheshtik. Bul olardyń kóńil-kúılerin kóterip, emdelý jolynda olardyń júzderine kúlki syılasyn", - dedi Dımashtyń jankúıerler klýbynyń admınıstratory Azýa Alı.