Bul týraly «Qazaqstan temir joly» ulttyq kompanıasy» AQ (QTJ) baspasóz qyzmeti málimdedi.
Qazaqstan Respýblıkasynyń Qarjy mınıstri Erulan Jamaýbaev pen «QTJ» UK» AQ basqarma tóraǵasy Nurlan Saýranbaev «KTZE-Horgos Gateway» qurǵaq portynyń, «Nur joly» jáne «Altynkól» ótkizý beketteriniń jumysyn tekserdi, dep habarlaıdy Almaty-akshamy.kz kompanıanyń baspasóz qyzmetine silteme jasap.
«Sapar nátıjesinde Dostyq jáne Altynkól shekaralyq temirjol stansıalarynyń basshylary qyzmetterinen bosatyldy», - delingen kompanıanyń beısenbide taratqan habarlamasynda.
Sondaı-aq jumys sapary barysynda syrtqy ekonomıkalyq qyzmetke qatysýshylarmen kezdesý ótkizilip, onda Qazaqstan-Qytaı shekarasynda bıznes júrgizýdiń ashyqtyǵyn arttyrý máseleleri talqylanǵany atap ótildi.
Eske sala ketsek, buǵan deıin Qazaqstan Prezıdenti Qasym-Jomart Toqaev kedendik shekarada keshendi tekserý júrgizýdi jáne tártipti qamtamasyz etýdi tapsyrǵan bolatyn.