Qala búdjetin naqtylaý jobasy ázirlenip jatyr.
Almatyda bıznes pen azamattarǵa kómek kórsetý úshin qalalyq búdjet qaıta qaraldy, dep habarlaıdy Almaty-akshamy.kz QazAqparatqa silteme jasap.
Almaty qalasy máslıhatynyń kezekten tys XIV sesıasy ótti. Qalanyń ákimshilik jáne kúshtik qurylymdarynyń tynys-tirshiligin qamtamasyz etý máselelerin jedel sheshý úshin, sonymen qatar, kásipkerlerge keltirilgen zalaldy óteý jáne bıznes sektoryn yntalandyrý maqsatynda máslıhat ákimdiktiń bastamasy boıynsha Almaty qalasy búdjetine naqtylaý júrgizdi.
Jalpy jergilikti búdjetti naqtylaý 2021 jylǵy búdjettiń kiris bóligin 30 mlrd teńge somasyna asyra oryndaý esebinen júrgiziledi.
Bólinip otyrǵan qarjy memleket basshysynyń qalany tezirek qalpyna keltirý, halyq pen bıznes nysandaryna kómek kórsetý jónindegi tapsyrmalaryn iske asyrý maqsatynda mynandaı shyǵystarǵa baǵyttalady:
- Tártipsizdik barysynda zardap shekken kásipkerlerge keltirilgen zalaldy óteý - 5 mlrd teńge;
- SHOB sýbektileri úshin komýnaldyq shyǵystardy tóleý boıynsha shyǵyndardy sýbsıdıalaýǵa (3 aı merzimge) – 1,5 mlrd teńge;
- Halyqty jumyspen qamtý baǵdarlamasyn qarjylandyrý aıasynda qoǵamdyq jumystarǵa jumysqa ornalastyrý úshin 6 myń adamǵa 3,3 mlrd teńge qarajat qarastyrý josparlanýda;
- Shaǵyn jáne orta bıznes sýbektilerin jeńildikpen nesıeleý tetigin engizýge 6,3 mlrd teńge bólindi;
- Quqyq qorǵaý organdary qyzmetkerleriniń materıaldyq-tehnıkalyq jabdyqtalýyn nyǵaıtýǵa. Bul maqsattarǵa 2,2 mlrd teńge bólý josparlanýda.
Sonymen qatar, qalanyń tynys-tirshiligin qamtamasyz etý jáne qalpyna keltirý úshin áleýmettik mańyzy bar is-sharalardy qarjylandyrýǵa ózge de shyǵystar kózdelgen.
«Qazirgi ýaqytta qala búdjetin naqtylaý jobasy ázirlenýde, onda megapolıstiń tynys-tirshiligin qamtamasyz etý men qalpyna keltirýge qatysty basqa da máseleler qaralatyn bolady» - dedi máslıhat hatshysy Stanıslav Kankýrov.
Sondaı-aq, máslıhat sesıasynda «Aq jol» partıasynyń qalalyq tiziminen rotasıa boıynsha jáne jeke aryzy negizinde Iýrıı Shınniń ókilettigi toqtatyldy.
Onyń ornyna aýmaqtyq saılaý komısıasynyń jáne «Aq jol» partıasy fılıaly keńesiniń qaýlysymen «Qazaqstannyń mıkroqarjy uıymdary qaýymdastyǵy» ZTB dırektory jáne belgili zańger Erbol Omarhanovtyń kandıdatýrasy bekitildi.