Akter teatr sahnasynda jáne kınoda 200-den astam róldi somdaǵan.
Tanymal akter jáne rejıser, Qazaqstannyń halyq ártisi Dosqan Joljaqsynov Prezıdent Jarlyǵymen «Otan» ordenimen marapattaldy, dep habarlaıdy Almaty-akshamy.kz
«Qaýly etemin: 1. Ulttyq mádenıetti, kınematografıany jáne teatr ónerin damytýǵa qosqan aıryqsha eńbegi úshin Dosqan Qalıuly Joljaqsynov «Otan» ordenimen nagradtalsyn. 2. Osy Jarlyq qol qoıylǵan kúninen bastap qoldanysqa engiziledi», -delingen QR Prezıdent Jarlyǵynda.
Dosqan Joljaqsynov búgin 70 jasqa toldy. Tanymal akter jáne rejıser, sonymen qatar halyq ánderi men qazirgi qazaq kompozıtorlary ánderin sheber oryndaýshy retinde keńinen tanymal.
Joljaqsynov ulttyq kıno óneriniń damýyna óz úlesin qosyp, «Gaýhartas», «Daladaǵy qýǵyn», «Altyn kúz», «Ompa», «Aq barystyń urpaqtary», «Kóshpendiler», «Birjan sal» jáne basqa da fılmderge túsken.
Dosqan Qalıuly Joljaqsynov 1951 jyly 7 qazanda Shyǵys Qazaqstan oblysy, Kúrshim aýdany, Balyqshy aýylynda týǵan.