Maımyl shesheginiń aýyr aǵymynda naýqasta mıdyń qabynýy (ensefalıt) damýy múmkin.
Al qaıtalama bakterıalyq ınfeksıa jalpylanǵan kezde, sepsıs paıda bolýy múmkin, dep habarlaıdy Almaty-akshamy.kz COVID-19 taralýyna jol bermeý jónindegi VAK-tyń Telegram kanalyna silteme jasap.
"Maımyl shesheginiń asqynýlaryna qaıtalama bakterıalyq ınfeksıalar kirýi múmkin. Bul bakterıalardyń enýine baılanysty sheshekterdiń jappaı irińdeýi bolǵan jaǵdaıda paıda bolady, ásirese, qatty bórtpeler qaýpi joǵary" - dedi Reseı epıdemıology.
Bórtpeler shyryshty qabattarda paıda bolǵandyqtan, aýyz qýysynyń ınfeksıasy, sondaı-aq tynys alý músheleri, atap aıtqanda pnevmonıa damýy múmkin,- dedi Pshenıchnaıa.
Infeksıadan keıin teride tyrtyqtar, gıperpıgmentasıa (daqtar) nemese kerisinshe gıpopıgmentasıa qalýy múmkin. Sonymen qatar, balalarda aýrý kúrdelene túsedi jáne asqynýlar jıi damıdy. Imýnıteti tómen adamdarda (ásirese, AITV juqtyrǵan) aýrýdyń aýyr túriniń damý qaýpi joǵary bolady.
Al Robert Koh ınstıtýty alǵash ret Germanıada jasóspirimderdegi maımyl shesheginiń eki jaǵdaıy týraly habarlady.
Vedomstvonyń málimetinshe, Shtýtgart pen Erfýrtta aýrýdy juqtyrǵan 15 jáne 17 jastaǵy jasóspirimder týraly aıtylyp otyr. Germanıadaǵy jaǵdaılardyń jalpy sany 2 724 adamdy qurady, aýrý barlyq 16 federaldy shtatqa áser etti,- dep habarlady ınstıtýt.
Buryn aýrý, eń aldymen, er adamdar arasyndaǵy jynystyq qatynas nátıjesinde beriletini týraly habarlanǵan. Maımyl sheshegi áli kúnge deıin Germanıadaǵy bes áıelde ǵana kezdesedi. Germanıada maımyl shesheginiń alǵashqy jaǵdaılary mamyr aıynda tirkeldi. Robert Koh ınstıtýty Germanıadaǵy jalpy halyqtyń densaýlyǵyna yqtımal qaýiptiligin "shekteýli" dep baǵalaıdy jáne jaǵdaıdyń damýyn muqıat qadaǵalaıdy.