3 jeltoqsanda Serbıanyń Belgrad qalasynda «Aǵaıyndy Karıch qory» syılyǵyn tabystaý rásimi ótti.
Dimashnews.com-nyń málimetinshe, 1979 jyly eldiń ǵylymı-tehnologıalyq jáne shyǵarmashylyq áleýetin qoldaý jáne ilgeriletý, jurtshylyqty álemdik mádenıettiń jetistikterimen tanystyrý ınstıtýty retinde qurylǵan qor 26-shy ret kórnekti sheteldik tulǵalarǵa syılyqtar tabys etti.
«Aǵaıyndy Karıch qory» syılyǵyna buryn álemge áıgili ǵylym, jýrnalısıka, ekonomıka, mádenıet jáne óner qaıratkerleri ıe bolǵan. Ár jyldary fızıka boıynsha Nobel syılyǵynyń laýreaty J. Alferov, ádebıet boıynsha Nobel syılyǵynyń laýreaty P. Handke, Qazaqstannyń Tuńǵysh Prezıdenti N. Nazarbaev, kınorejısser E. Kýstýrısa, tenısshi N. Djokovıch, akter S. Sıgal, TÚRKSOIDYŃ burynǵy Bas hatshysy D. Kaseınov marapatqa ıe bolǵan.
Bıylǵy jyly syılyqqa usynylǵan erekshe tulǵalar arasynda Qazaqstannyń daryndy ártisi Dımash Qudaıbergen de marapatqa ıe boldy, dep habarlaıdy Almaty-akshamy.kz.
Qordyń Dırektorlar keńesiniń pikirinshe, Dımashtyń aıryqsha vokaldyq derekteri, onyń klasıkalyq jáne zamanaýı stılde oryndaýdyń ártúrli nysandaryn biriktirýdiń keremet qabileti, kóp jyldyq jumys pen oqýdyń nátıjesi retinde kez kelgen notany oryndaýdyń biregeı múmkindikteri ártisti Qazaqstan mádenıetiniń jarqyn ókili, óz isiniń tabysty mamany retinde atap ótýge múmkindik beredi.
«Bizdiń Dırektorlar keńesi osyndaı mańyzdy ártis syılyqtyń izasharlarynyń, osy joldaǵy talanttardyń altyn serıasynyń jalǵasy bolýǵa laıyq ekendigimen biraýyzdan kelisedi, bul bizdiń dostas elderimiz arasyndaǵy qarym – qatynasty nyǵaıtady», – dep atap ótti Serbıadaǵy Qazaqstan Respýblıkasynyń qurmetti konsýly, aǵaıyndy Karıch qorynyń negizin qalaýshy Mılanka Karıch.
Serbıanyń ortalyq mádenı sharasy Serb mádenıeti men dástúrin aıqyndaıtyn mádenı mura nysany – Belgradtaǵy Ulttyq teatrda ótti.
Ulttyq teatrdyń keremet sahnasynda Dımash ár túrli kompozısıalar usyndy: qazaqtyń halyq áni «Samaltaý» jáne Igor Krýtoıdyń «Mademoiselle Hyde» shyǵarmasy, osylaısha óz shyǵarmashylyǵynyń ár túrli qyrlaryn kórsetti.
Dımash aǵaıyndy Karıch qorynyń quryltaıshylary men Dırektorlar keńesine ıarapatqa laıyq dep tanyǵany úshin alǵysyn bildirdi, halyqaralyq jobalardyń, sonyń ishinde óner salasyndaǵy elder arasyndaǵy dostyq pen ózara damýdy qoldaý múmkindikteri retindegi mańyzdy rólin atap ótti.