Qazaqstandyq ánshi jáne álemdik deńgeıdegi juldyz Dımash Qudaıbergen DIAFA mártebeli syılyǵyn ıelendi, dep habarlaıdy aqshamnews.kz.
Bul syılyq jyl saıyn arab elderinen jáne basqa da memleketterden qoǵam ómirin jaqsartýǵa aıtarlyqtaı úles qosqan tulǵalarǵa beriledi.
Ánshi bul jaǵymdy jańalyqty áleýmettik jeliler arqyly bólisti.
«DIAFA syılyǵy úshin ónerge qosqan úlesim úshin rahmet. Dýbaıǵa, DIAFA-ǵa rahmet», – dep jazdy Dımash.
Aıta keteıik, bul syılyqtyń laýreattary mýzyka, óner, mádenıet, ekonomıka, bıznes jáne qaıyrymdylyq salasyndaǵy sarapshylardan turatyn qazylar alqasynyń sheshimi negizinde anyqtalady.