Sınoptıkter 26, 27 jáne 28 shildege arnalǵan aýa raıy boljamyn usyndy, - dep habarlaıdy Aqshamnews.kz tilshisi.
Jaýyn-shashyn bolady
Aldaǵy kúnderi Qazaqstan aýmaǵyndaǵy sınoptıkalyq jaǵdaıdy sıklon qalyptastyrady. Osyǵan baılanysty el aýmaǵynda bultty, keı jerlerde ashyq aýa raıy kútiledi, jańbyr jaýyp, naızaǵaı oınaıdy. Respýblıkanyń soltústik-batysynda, soltústiginde jáne ortalyq aımaqtarynda jańbyr, burshaq, daýyldy jel bolady dep boljanǵan. El boıynsha jel kúsheıedi, al ońtústikte qumdy daýyl kútiledi.
Aýa temperatýrasy qandaı bolady?
Aýa temperatýrasy aıtarlyqtaı ózgermeıdi. Qazaqstannyń shyǵysy men ońtústik-shyǵysynda aptap ystyq saqtalady – aýa temperatýrasy 42 gradýsqa deıin kóteriledi.