Elimizdegi demalys oryndaryna kez kelgen azamat ózimen birge tamaq jáne sýsyn alyp kirýge tolyqtaı quqyly.
«Jaz kelip, demalys kezi qyzatyn shaq. Osy kezde azamattardyń kóbi demalys aımaqtaryna kóptep shyǵady. Sondaı sátte ózderimen birge tamaq sýsyndaryn alyp kelýge nıet tanytady. Alaıda demalys aımaǵynyń ıeleri olarǵa ózdeimen alyp kelgen zattaryn alyp kirýge tyıym salady», – delingen habarlamada.
Komıtettiń Memlekettik saıasatty qalyptastyrý basqarmasynyń basshysy Ramazan Barenovtiń aıtýynsha, zańdy túrde satyp alynǵan kez kelgen sýsyndar men tamaq tutynýshynyń jeke menshigi bolyp tabylady jáne ony eshkim shekteı almaıdy. Eger árkim bılet satyp alsa nemese onyń aýmaǵyna kirý úshin aqy tólese, tamaq pen sýsyndarmen demalys aımaǵyna erkin kirýge quqyly, óıtkeni bul jasalǵan sharttyń nysany bolyp tabylady.
«Eger demalys ornyna kirý úshin arnaıy bılet satyp alǵan bolsańyz, qolyńyzda demalys aımaǵyna kirýge jasaǵan tólemińizdiń chegi nemese bıletińiz bolsa, onda sýsyn men tamaqty ózińizben birge alyp kirýińizge tolyq quqyǵyńyz bar»,-dedi Ramazan Barenov.
Eger demalys aımaǵynyń ıesi kirýine tyıym salsa, birden aryz jazýǵa bolady. Tipti bul úshin kásipker Ákimshilik kodekstiń 163-baby 2-bóligi (Josyqsyz básekelestik) boıynsha jaýapqa tartylady.