Aǵash qulaǵan sát vıdeoǵa túsip qalǵan.
Almatyda «Akýnın» dámhanasynyń jazǵy alańy aýmaǵynda aǵash qulady, dep habarlaıdy Almaty-akshamy.kz
Oqıǵanyń vıdeosy áleýmettik jelide tarady. Beınekameraǵa aǵash qulaǵan sát túsip qalǵan. Qonaqtar úlken butaqtar qulamas buryn qashyp úlgergen. Avtordyń aıtýynsha, joldan ótip bara jatqan adam qonaqtar men meıramhana qyzmetkerlerine aǵashtyń qulaıtynyn eskertip úlgergen.
25 mamyrda saǵat 22:15-te qutqarý qyzmetine Abaı dańǵyly boıyndaǵy, 21 mekenjaıda "Akýnın" dámhanasynyń jazǵy alańy aýmaǵynda aǵash qulaǵany týraly habarlama túsken.
"Mamandar men Medeý ákimdigi saraptama taǵaıyndady. Qajetti jumystardy kúndizgi ýaqytta júrgizýge sheshim qabyldandy. Zardap shekkender joq. Búgin tótenshe jaǵdaılar brıgadasynyń mamandary kelip, aǵashtardy kesip jatyr", - dedi ákimdik ókilderi.
Jumysty tórt qutqarýshy men bir tehnıka júrgizip jatyr.