2025 jyldan bastap jalpyǵa birdeı deklarasıalaýdyń tórtinshi kezeńi bastalady.
Ony shamamen 8 mln adam tapsyrady, dep habarlaıdy aqshamnews.kz El.kz aqparat agenttigine silteme jasap.
Bul týraly Qarjy mınıstrliginiń Jeke tulǵalardyń kiristerin ákimshilendirý basqarmasynyń bas sarapshysy Ersaıyn Kóptileýuly mınıstrlikte ótken baspasóz máslıhatynda aıtty.
Jalpyǵa birdeı deklarasıalaýdyń negizgi maqsaty – ádil salyq salýdy qamtamasyz etý, jeke tulǵalardyń kiristerin baqylaý tetigine alý, sybaılas jemqorlyq jáne kóleńkeli ekonomıkamen kúresý. Deklarasıalaý tórt kezeń boıynsha júzege asyp keledi. Bıyl tórtinshi kezeń bastalady. Ony shamamen 8 mln adam tapsyrady, – dedi Ersaıyn Kóptileýuly.
250 nysany boıynsha deklarasıany kimder tapsyrady?
– shetelde múlki bar azamattar
– sot oryndaýshylary
– advokattar
– saılanbaly qyzmetkerler, depýtattar
Sheteldegi múlikke ne kiredi?
– jyljymaıtyn múlik
– kólik
– sheteldik banktegi esepshot (myń AEK kóleminen asqan jaǵdaıda)
– Investısıalyu baǵaly metaldar
– brokerlik esepshottar
270 nysany boıynsha deklarasıany kimder tapsyrady?
– memlekettiq qyzmetkerler jáne olardyń jubaılary
– zańdy tulǵalar
– aksıonerler (úlesi 10 paıyzdan asatyn)
Sonymen qatar, el arasynda mólsheri 20 myń AEK kóleminen asatyn múlik satyp alǵandar ony qandaı aqshaǵa jáne qalaı satyp alǵandary týraly 270 nysany boıynsha deklarasıa tapsyrýǵa mindetteledi.