Negizi taýarlardy tańbalaý – qıyn emes proses. Biraq óndiris aýmaǵynda ony tasymaldaý kezinde kodtardyń zaqymdalmaýyn nemese ýaqyt óte kele óship ketpeýi úshin birqatar talaptardy saqtaý qajet, dep habarlaıdy aqshamnews.kz.
Búgin biz dári-dármekterdi tańbalaý kezinde jiberiletin eń jıi kezdesetin bes qatelikke toqtalyp, bolashaqta osyndaı olqylyqtarǵa jol bermeý maqsatynda nazarlaryńyzǵa usynamyz.
Taýardyń serıasy men jaramdylyq merzimi
Keıde dárilik zattardy aınalymǵa shyǵarýshylar (ÝOLS) tańbalaý jáne qadaǵalaý júıesinde esep berý qujatyn toltyrý kezinde serıa, partıa nemese jaramdylyq merzimi týraly málimetterdi qate kórsetedi. Jaramdylyq merzimi órisin toltyrǵanda, aıdyń sońǵy kúnin kórsetý qajet, sondaı-aq dárilik zattyń serıa nómirin muqıat jáne durys kórsetý kerek. Qujattarǵa engizilgen derekter qadaǵalaý júıesinde kórsetiledi jáne ózgertilmeıdi.
Tańbalaý stıkerleriniń basylý sapasy
Tańbalaý stıkerlerin durys basyp shyǵarý úshin tehnıkalyq sharttardy saqtaý qajet. Basyp shyǵarý kezinde qatelerdi túzetý ádisi – ESS-200 qoldanylýy kerek. Bul ádis DataMatrix kodynan aqparattyń 30%-y zaqymdalsa da, ony qalpyna keltirýge múmkindik beredi. DataMatrix basyp shyǵarý sapasy arnaıy oqylatyn júıege baılanysty, ol A (joǵary) men F (aqaýly) aralyǵyndaǵy bes deńgeıge bólinedi. Mindetti talap – basyp shyǵarý sapasy kem degende S deńgeıinen tómen bolmaýy kerek. Basyp shyǵarý deńgeıi tómen bolǵan jaǵdaıda, tańbalaý kodyn oqý kezinde qıyndyqtarǵa tap bolýyńyz múmkin.
«Barlyq dári-dármekter zaýytta tańbalanady, ol úshin qajetti barlyq resýrstar – basyp shyǵarý, tańbalaý bar. Sonymen qatar, bizde keden qoımasy bar, onda biz tamyz aıynan bastap jańa taýarlardy ala bastadyq. Tańbalaý júıesi jumys istep tur, ony túsiný ońaı», - deıdi «Alpen Farma» JSHS marketıń-menedjeri Stanıslav Kım.
Stıkerlerdi ornalastyrý
Tańbalaý qatysýshylary stıkerlerdi taýar qaptamasyna durys ornalastyrýǵa mán berýi kerek. Kod bar stıkerdi ornalastyrǵan kezde, dárilik zattyń ataýy nemese dozasy sıaqty mańyzdy aqparattardy jaýyp tastamaý qajet.
Tasymaldaý qoraptaryn tańbalaý
Taýarlardy tasymaldaýǵa arnalǵan qaptamaǵa sáıkestendirý kodtaryn qoıý kezinde, ÝOLS kodty qoraptyń aldyńǵy nemese búıir jaǵyna ornalastyrýdy ózderi sheshedi. Mundaǵy basty shart – operatordyń kodtardy jyldam jáne yńǵaıly skanerleýin qamtamasyz etý.
Standartty emes qaptamalardy tańbalaý
Birtutas tańbalaý jáne taýarlardy qadaǵalaý operatory dárilik preparattar bankalarynyń qaqpaǵyna kodty salmaýdy usynady, óıtkeni tasymaldaý kezinde kodtar óship qalýy múmkin. Júkteý kezinde bankalar bir-birine úıilip qoıylady, sonyń saldarynan olardyń arasyndaǵy úıkelis keıbir kodtardy skanerleý múmkin emestigine ákelýi múmkin.
Esterińizge sala keteıik, 2024 jyldyń 1 shildesinen bastap Qazaqstanda dári-dármekterdi mindetti túrde tańbalaý engizildi. Qoldanystaǵy erejelerge sáıkes dári-dármekterdi DataMatrix kodymen óndirýshiler men ımporttaýshylar tańbalaıdy.