Almaty qalasynyń Qoǵamdyq densaýlyq saqtaý basqarmasy jas fýtbolshynyń qazasyna baılanysty resmı aqparat taratty, dep habarlaıdy Aqshamnews.kz tilshisi.
Vedomstvo málimetinshe, 2006 jyly týǵan azamat oqıǵa ornynan jedel járdemmen klınıkalyq ólim jaǵdaıynda jetkizilgen. Aýrýhanaǵa túsken sátte naýqasta tirshilik belgileri baıqalmaǵan: tamyr soǵysy men qan qysymy anyqtalmaı, qarashyqtary keńeıgen. Dárigerler birden reanımasıalyq sharalarǵa kirisip, barlyq múmkin ádisterdi qoldana otyryp 30 mınýt boıy ómirin saqtap qalýǵa tyrysqan, alaıda kórsetilgen kómekterge qaramastan bıologıalyq ólim tirkeldi.
Qaıǵyly jaǵdaıdyń naqty sebep-saldaryn anyqtaý úshin marqumnyń denesi sot-medısınalyq saraptamaǵa jiberildi. Basqarma ókilderi marqumnyń jaqyndaryna kóńil aıtyp, qaıǵyǵa ortaqtasty.
«Han-Táńiri» klýby da oıynshyǵa alǵashqy medısınalyq kómektiń der kezinde kórsetilgenin habarlady. Klýbtyń málimetinshe, stadıonda jedel járdem brıgadasy kezekshilik etip, fýtbolshyǵa jedel kómek kórsetilgen, al jedel járdem kóligi ony tórt mınýt ishinde aýrýhanaǵa jetkizgen. Degenmen, dárigerlerdiń barlyq áreketine qaramastan, oıynshyny aman alyp qalý múmkin bolmaǵan.