Almatyda qulaǵy nashar estıtin júrgizýshini mazaqtap, vıdeosyn jarıalaǵan áıeldiń tulǵasy anyqtalyp, polısıa bólimshesine jetkizildi, dep habarlaıdy Aqshamnews.kz tilshisi.
Almaly aýdandyq polısıa bólimi Nurıla Amanbaevany profılaktıkalyq áńgimege shaqyrǵanyn málimdedi. Qoǵamda rezonans týdyrǵan rolık úshin synǵa qalǵan, 63 myńnan astam oqyrmany bar bloger vıdeony óshirip, keshirim surady. Polısıa onyń kinásin moıyndaǵanyn, túsindirý jumystary júrgizilgenin atap ótip, áleýmettik jeli qoldanýshylaryn jarıalaıtyn kontentke jaýapkershilikpen qaraýǵa shaqyrdy.
Blogerdiń aıtýynsha, ol taksı júrgizýshisiniń otbasymen jeke kezdesip, jaǵdaıdy túsindirip, keshirim suraǵan. Júrgizýshiniń týystary ózderiniń jáne jaqyndarynyń sýretterin jarıa etpeýdi surap, taraptar kelisimge kelgen.
Oqıǵaǵa baılanysty jelide pikir ekige jaryldy: biri blogerdi qoldasa, endi biri onyń áreketin qatań aıyptap, jaýapkershilikke tartýdy talap etti.