Búgin «AMANAT» partıasynyń qalalyq fılıalynda Almaty ákimi Darhan Satybaldynyń azamattardy jeke qabyldaýy boldy.
Kezdesýde qala turǵyndary abattandyrý, kólik ınfraqurylymy, qoǵamdyq qaýipsizdik, sýmen jabdyqtaý, turǵyn úı qurylysy jáne aǵa býyndy qoldaý máselelerin kóterdi.
Qala ákimi mundaı qabyldaýlardyń turǵyndardy tikeleı tyńdap, olardyń ótinishterine der kezinde jaýap berýge múmkindik beretinin atap ótti:
«Azamattar kóterip otyrǵan máseleler – árbir almatylyqtyń ómir sapasy men qaýipsizdigine qatysty. Barlyq ótinishter baqylaýǵa alyndy, árqaısysy boıynsha naqty sheshim qabyldanady», – dedi Darhan Satybaldy.
Qabyldaý qorytyndysy boıynsha naqty sharalar qabyldanyp, tıisti tapsyrmalar berildi.
Atap aıtqanda, jol qozǵalysy erejelerin buzýdyń aldyn alý maqsatynda qosymsha jol belgileri men beınebaqylaý kameralary ornatylady. Sondaı-aq turǵyn úı kesheniniń qurylysynyń zańdylyǵyna tekserý júrgizý josparlanǵan. Elektrmen jabdyqtaý máselelerin zerdeleý úshin mamandar jergilikti jerde tekseris jasaıdy.
Azamattardy jeke qabyldaý «AMANAT» partıasynyń qoldaýymen turaqty túrde ótkizilip keledi. Maqsat – qala turǵyndary men atqarýshy organdar arasynda ashyq dıalog ornatyp, ózekti máselelerdi jedel sheshý.