Almaty ákimi Darhan Amangeldiuly Satybaldy fılologıa ǵylymdarynyń kandıdaty, Abaıtanýshy-ǵalym Bazarbek Atyǵaıǵa Qazaqstan Respýblıkasynyń Prezıdenti Qasym-Jomart Kemeluly Toqaevtyń quttyqtaý hatyn tabys etti.
Memleket basshysy ǵalymǵa uly Abaıdyń 180 jyldyǵy qarsańynda «Abaı» baspasynan jaryq kórgen qazaqtyń kásibı kórkem aýdarmasynyń bastaýyndaı Abaı mektebiniń kórnekti ókilderi Shákerim Qudaıberdiuly, Áset Naımanbaıuly, Ýáıis Shondybaıuly, Turaǵul Abaıuly, Danıal Ysqaqovtardyń kórkem aýdarmalaryna ǵylymı turǵyda teorıalyq, tekstologıalyq taldaý jasaǵan «Abaıdyń aýdarma mektebi» atty ǵylymı eńbegi, Qunanbaı áýletiniń bir jurnaǵy, qazaqtan shyqqan tuńǵysh qarjyger, aǵartýshy, aýdarmashy Danıal Ysqaqovtyń shyǵarmalary jınaǵy men Shákerim Qudaıberdiuly ómiriniń sońǵy kezeńderine baılanysty, ásirese, onyń qazaǵa ushyraıtyn ýaqytyn qamtıtyn oqıǵalarǵa, estelikterge, arhıv muraǵattaryna, maqalalarǵa sholý jasaý arqylysalystyrmaly zertteý jumysy janrynda jazylǵan «Sheıit» kitaby úshin quttyqtaý hatyn jibergen edi.
Qala ákimi ǵalymǵa myqty densaýlyq, otbasyna amandyq, isine bereke, shyǵarmashylyq tabystar tiledi.