Bul Eýroodaqta osyndaı qadamǵa barǵan alǵashqy el.
Danıa koronavırýsqa qatysty barlyq shekteýdi alyp tastady. Bul Eýroodaqta osyndaı qadamǵa barǵan alǵashqy el. Jergilikti aqparat quraldary munda turǵyndardyń betperdesiz júrgenin taratty, dep habarlaıdy Almaty-akshamy.kz 24.kz-ke silteme jasap.
1 qyrkúıekten beri qoǵamdyq oryndarda vaksınalaý tólqujaty da talap etilmeıdi. Ony tek túngi klýbqa kirgende suraıtyn edi. Endi ol da joq. Búgin elde Eýropadaǵy eń aýqymdy konsert ótýi tıis. Oǵan 50 myńdaı adam qatysady. Bıliktiń mundaı qadamǵa barýyna ımmýndaýdyń joǵary kórsetkishi túrtki bolǵan. Búginde Danıada jasy 12-den asqan turǵyndardyń 83 prosenti ekpeniń qajetti eki dozasyn da alyp úlgirgen. Degenmen, syrttan kelýshiler vaksına saldyrǵanyn rastaıtyn qujat ne PTR-testtiń teris nátıjesin kórsetýge mindetti. Munda tek áýejaıda ǵana betperdesiz júrýge ruqsat joq.