Uly Otan soǵysy jyldary joǵalyp ketken 1000-nan astam jaýyngerdi tabylǵan
«Atamnyń amanaty» qoǵamdyq birlestigi osy ýaqytqa deıin Uly Otan soǵysy jyldary joǵalyp ketken 1000-nan astam jaýyngerdi tapqan. Araǵa 80 jyl salyp 2 soǵys ardageriniń súıegi Reseıden Almatyǵa jetkizildi, dep habarlaıdy Almaty-akshamy.kz Almaty.tv-ge silteme jasap.
Qan maıdanda jaýmen arpalysyp, Otan úshin qaza bolǵandardyń súıegi túbinde elge jetti. Solardyń biri Nıkolaı Gýrov Stalıngrad túbindegi shaıqasta atty áskerdi basqaryp, erliktiń úlgisin kórsetken. Alaıda 1942 jyly haty úzilip, habarsyz ketken. Al Voronej mańynan tabylǵan Tóregeldi Úrkirbaevtyń týystary bolmaǵandyqtan onyń jerleý rásimin Jambyl aýdany ákimshiligi óz moınyna alǵan.
«Týystarymnyń aıtýynsha, ol áýeli oqýǵa ketken. Sol ýaqytta soǵys bastalyp, ári qaraı maıdanǵa attanypty. Basynda úıdegilerge hat jiberip turatyn, keıin habar-osharsyz joǵalyp ketken. Endi qazirgi qujattardan qarasaq ol kisi batyrlyqtyń naǵyz úlgisin kórsetipti. Aǵammen maqtanamyn. Shyny kerek ony taba almaımyz dep kúder úzgen edik», – dedi N. Gýrovtyń týysy Aleksandr Gorbovskıı.
Qurylǵanyna 3 jyl bolǵan «Atamnyń amanaty» qoǵamdyq birlestiginiń kómegine 5 myńnan astam qazaqstandyq júgingen. Tipti kórshiles Qyrǵyzstan, Ózbekstan, Reseıden týystaryn izdeýshiler kóp habarlasatyn kórinedi. Qyzmetine aqy almaıtyn eriktiler bul mindetin abyroı sanaıdy.
«İzdestirý kezindegi qıyndyqtar saıtta qujat kóp shyqqan. Biraq aty-jónderi qate jazylǵan. Endi biz sol úshin arnaıy oqydyq. İzdestirý kezinde qate jazylǵan famılıalardy taýyp, sonymen aınalysamyz», – dedi «Atamnyń amanaty» qoǵamdyq birlestiginiń ókili Meıirhan Baıbatyrova.
«Osy kisilerdiń batyldyǵy, sol kezdegi erligin kelesi urpaqqa jetkizý úshin tárbıe jáne ıdeologıalyq baǵytta jumystar júrgizilip jatyr», – dedi Desanttyq-shabýyldaý brıgadasynyń áskerı qyzmetshisi Erkebulan Smaǵulov.
Bıyl elge Uly Otan soǵysyna qatysqan 11 otandasymyzdyń súıegi ákelinip, jer qoınyna tapsyryldy. Bul – balanyń baba aldyndaǵy, tarıh aldyndaǵy mindeti.