Eń joǵary dınamıka Almatyda baıqaldy.
2022 jyly sheteldik ınvestısıa kólemi 3 trln 171,7 mlrd teńgeni qurady, dep habarlaıdy Almaty-akshamy.kz
Ótken jylmen salystyrǵanda, kórsetkish 258,4 mlrd teńgege ósti, biraq áli pandemıaǵa deıingi deńgeıge (4 trln 110,7 mlrd teńge) jetken joq.
Ósim 13 óńirde baıqaldy. Eń joǵary dınamıka Almaty (+108 mlrd teńge) jáne Batys Qazaqstan oblystarynda (+91,6 mlrd teńge) tirkeldi. Qalǵan jeti oblysta kórsetkish tómendegen, onyń ishinde tartylǵan ınvestısıanyń azaıýy Jambyl (-60,4 mlrd teńge) jáne Shyǵys Qazaqstan oblystarynda (-57,7 mlrd teńge) baıqaldy.
Atyraý oblysy burynǵysynsha sheteldik ınvestorlar úshin eń tartymdy óńir bolyp sanalady. Muny olardyń jalpy ınvestısıasynyń 33,4%-yn nemese 1 trln 058,8 mlrd teńge quıǵanynan (+52,4 mlrd teńge) baıqaýǵa bolady. Alaıda bul pandemıaǵa deıingi kórsetkishten (1 trln 875,6 mlrd teńge) áldeqaıda az.
Ekinshi orynda Qaraǵandy oblysy tur. Onyń úlesi 10,8% quraıdy.
Sheteldik ınvestısıanyń eń azy Shymkentke (18,6 mlrd teńge) jáne Soltústik Qazaqstan oblysyna (18,8 mlrd teńge) tartyldy.
Jalpy, shetel ınvestısıasynyń úlesine keletin bolsaq, ol tórtinshi jyl qatarynan azaıyp keledi. Eger 2019 jyly olar jalpy kólemniń úshten bir bóligin (32,8%) qurasa, 2022 jyly - onyń tek besten bir bóligi (21,1%) shamasynda.