Bul saılaý nesimen erekshe?

Saılaýǵa 7 saıası partıa qatysýǵa quqyly.

Qazaqstan Respýblıkasynyń Memlekettik keńesshisi Erlan Qarın saılaýdyń erekshelikterin atady, dep habarlaıdy Almaty-akshamy.kz

Aldaǵy saılaýdyń basty on ereksheligi:

1. 2004 jyldan keıin alǵash ret Májiliske depýtattar bir mandatty okrýgter arqyly saılanady (98 depýtattyń 29-y);


2. Úmitkerlerge partıalar men Úkimettik emes uıymdar atynan ǵana emes, ózin ózi usynýǵa múmkindik týdy;


3. Bul kezekten tys saılaý bolǵanymen, onyń ótetin merzimi jarty jyl buryn belgili boldy;


4. Partıalardyń Parlamentke ótýi úshin belgilengen tómengi shegi 7 paıyzdan 5 paıyzǵa tómendetildi;


5. Áıelder, jastar jáne erekshe muqtajdyǵy bar adamdar úshin qarastyrylǵan 30 paıyzdyq kvota partıalyq tizim men mandattardyń bólinisi kezinde saqtalady;


6. Májilistiń jańa quramynda Qazaqstan halqy Assambleıasynyń kvotasy bolmaıdy;


7. Alǵash ret Májilis pen máslıhattar saılaýynda «bárine qarsymyn» degen baǵan saılaý búlletenderine engiziledi;


8. Saılaýǵa 7 saıası partıa qatysýǵa quqyly. Onyń ekeýi partıalar týraly zańnyń jańa normalary kúshine engennen keıin tirkeldi;


9. Oblystardaǵy aımaqtyq saılaý komısıalary endi kásibı túrde jumys isteıdi;


10. Saılaýshylar bes búleten boıynsha daýys beredi (respýblıkalyq mańyzy bar qalalardaǵy búleten sany tórteý).