Olar tehnıka urlady degen kúdikke ilindi.
Almatyda bazarda jáne qoǵamdyq oryndarda urlyq jasap júrgen kúdiktiler ustaldy, dep habarlaıdy Almaty-akshamy.kz Polisia.kz-ke silteme jasap.
Urlyq jasaǵan qaskóıler ustaldy.
«Bul – 1997 jyly týǵan B. esimdi azamat jáne 2003 jyly týǵan S. esimdi azamat. Olar tehnıkany urlady degen kúdikke ilindi. Ortalyq kıim bazarynda ornalasqan saýda ortalyǵyndaǵy býtıkterdiń birinde jastar daýys zoraıtqyshtardy urlap ketken. Olardyń aıtýynsha, mundaı qadamǵa barýǵa qosymsha aqsha tabýdy usynǵan beıtanys adam májbúrlegen. Tehnıkalyq qural aıǵaqty zat retinde tárkilenip, qylmystyq is materıaldaryna tirkeldi. Qazirgi ýaqytta QR QPK-niń 24-baby boıynsha sharalar qabyldanyp jatyr. Ustalǵandardyń jeke basynyń basqa da qylmystarǵa qatysy bar-joǵy tekseriledi. Jedel nusqalardyń birine sáıkes, olar qoǵamdyq oryndarda da urlyqpen aınalysyp, qala turǵyndaryn tonaǵan», – deıdi Jetisý aýdandyq polısıa basqarmasynyń bastyǵy Jánibek Shynasylov.