213 myń adamǵa ashtyq qateri tónip tur
BUU Somalıge ashtyq qateri tónip turǵanyn aıtty. Oǵan jaýyn-shashynnyń bolmaýy men azyq-túlik baǵasynyń ósýi sebep bolýy múmkin, dep habarlaıdy Almaty-akshamy.kz Baq.kz-ke silteme jasap.
Reuters agenttiginiń málimetinshe, 213 myń somalıılyqqa ashtyq qateri tónip tur. Bul sáýir aıyndaǵy boljamdan 3 esege kóp.
«Álsiz toptyń ómiri qazirdiń ózinde azyq-túlik tapshylyǵy saldarynan qyl ústinde tur. Biz ashtyqtyń bastalǵanyn jarıalaý úshin kútip otyra almaımyz, áreket etý kerek», - dedi BUU-nyń Somalıdegi ókili El-Hıdır Dalým.
BUU agenttigi 7,1 mln somalıılik nemese el turǵyndarynyń teń jartysy tamaq tapshylyǵyn qatty sezinip otyrǵanyn aıtty. Olardyń derekterine súıensek, Somalıde byltyrǵy qurǵaqshylyqtyń kesirinen 3 mln mal basy qyrylyp qalǵan. Odan bólek, elde jańbyr maýsymynda jaýyn-shashyn jaýmaı tur.
BUU gýmanıtarlyq áreket etý jospary bıyl tek 18%-ǵa ǵana qarjylandyrylǵan. Somalıden bólek, álemde tótenshe jaǵdaıǵa tap bolyp, «ystyq núkte» bolyp sanalatyn, qarjylandyrýǵa muqtaj basqa da memleketter bar.