Tólqujat alǵan áıel polısıaǵa alǵys aıtty
Almatyda 67 jastaǵy Lúbov Kırhadjı esimdi qarıa búginge deıin 1974 jylǵy eski tólqujatpen ómir súrip keldi, dep habarlaıdy Almaty-akshamy.kz QazAqparatqa silteme jasap.
Onyń aıtýynsha, ózi jalǵyzbasty, birneshe jyl buryn baspanasynan aıyrylǵan. Qazir áleýmettik beıimdeý ortalyǵynda turyp jatyr. Jaqynda polısıa qyzmetkerleriniń kómegimen jańa kýálik aldy.
«Ómirdiń qıyndyqtaryna baılanysty, uzaq ýaqyt boıy jeke kýálik ala almaı júrdim. Polısıa qyzmetkerleriniń arqasynda tólqujatymdy aldym. Olarǵa kóp raqmet», – dedi qarıa.
Almaty qalalyq polısıa departamentiniń kóshi-qon qyzmeti basqarmasynyń bastyǵy, polısıa polkovnıgi Asqat Býtýnchınovtyń aıtýynsha, apaǵa qysqa merzimde kómek kórsetildi.
«Onyń jeke basyn rastap, qujat berdik. Buǵan deıin de osyndaı jaǵdaılar bolǵanyn birneshe ret habarlaǵan bolatynbyz. Sonyń saldarynan olar memlekettik qyzmet pen qajetti áleýmettik tólemderdi ala almady. Osyndaı máselelerdi sheshýge muqtaj jandarǵa kómekteskenimizge qýanyshtymyz», - dedi polısıa polkovnıgi.
Eske salaıyq, buǵan deıin Batys Qazaqstanda polısıa qyzmetkeri eki balany qutqaryp qalǵan edi.