Qazaqstannyń Syrtqy ister mınıstriniń birinshi orynbasary Qaırat Omarov Qazaqstanǵa jumys sapary aıasynda BUU Bas hatshysynyń zań ústemdigi jáne beıbitshilikti qoldaý máseleleri jónindegi kómekshisi Aleksandr Zýevpen kezdesti.
Kezdesý barysynda taraptar Qazaqstan men BUU arasyndaǵy Uıymnyń bitimgershilik qyzmeti baǵytyndaǵy yntymaqtastyqtyń qazirgi jaǵdaıy men perspektıvalaryn talqylady, dep habarlaıdy almaty-akshamy.kz.
Q. Omarov Qazaqstannyń BUU-nyń halyqaralyq beıbitshilik pen qaýipsizdikti nyǵaıtý jónindegi kúsh-jigerin qoldaıtynyn atap ótti. Qazaqstandyq áskerı kontıngenttiń Uıymnyń Lıvandaǵy, Batys Saharadaǵy, Ortalyq Afrıka Respýblıkasyndaǵy jáne Kongo Demokratıalyq Respýblıkasyndaǵy bitimgershilik mısıalaryna qatysýy týraly habardar etti.
Qazaqstan BUU-men, onyń ishinde BUU-nyń bitimgershilik boıynsha sertıfıkattalǵan kýrstary oqytylatyn QR QM óńirdegi jalǵyz «QAZSENT» bitimgershilik daıarlyq ortalyǵynyń bazasynda tyǵyz yntymaqtastyqta ekenin atap ótti.
A. Zýev Qazaqstannyń osy baǵyttaǵy úlesin joǵary baǵalady, sondaı-aq BUU-nyń bitimgershilik mısıalaryna QR polısıa qyzmetkerleriniń qatysý múmkindigin qosa alǵanda, ózara is-qımyldy nyǵaıtýǵa yqpal etýge daıyn ekenin bildirdi.
Óz sapary aıasynda A.Zýev QR beıindi memlekettik organdarymen kezdesýler ótkizdi.