Avtomobıl joldarynyń jaı-kúıín baqylaudyń tıímdílígín tsıfrlyq sheshímderdí engízu arqyly arttyru maqsatynda Kólík mınıstrlígíne qarasty Jol aktıvterí sapasynyń ūlttyq ortalyǵy synaq zerthanalarynda jūmys ísteıtín qyzmetkerlerdí oqytuǵa arnalǵan vırtualdy trenajerdí ázírlep jatyr.
Būl shara óz kezegínde jańa ádíster men tehnologıyalardy ıgeruge, mamandardyń daǵdylaryn jetíldíruge, sondaı-aq qauípsízdík erejelerín saqtau boıynsha bílíktílíkterín arttyruǵa kómektesedí.
Bílím alushy trenajerdíń kómegímen 5-10 mınuttyń íshínde joldar men materıaldardyń sapasyn tekseru kezínde bírneshe kún júrgízíletín barlyq kezeńdí bírden kóríp óte alady.
Atalǵan ázírlemení engíze otyryp, Jol aktıvterí sapasynyń ūlttyq ortalyǵy ózíníń barlyq óńírdegí fılıaldarynda jūmys ísteıtín qyzmetkerlerín júıelí túrde emtıhandyq testíleuden ótkízudí josparlap otyr.
Oqytudyń mūndaı tásílí avtojol salasyndaǵy qyzmetkerlerdíń kásíbı deńgeıín aıtarlyqtaı arttyrady dep kútílude.