Bul qarajat 362 myń adamǵa shuǵyl kómek kórsetýge arnalady.
BUU agenttikteri donorlardy jer silkinisinen zardap shekken Aýǵanstan halqyna shuǵyl kómek retinde 110 mıllıon dollar bólýge shaqyrdy, dep habarlaıdy Almaty-akshamy.kz Interfax.ru silteme jasap.
Suralǵan soma kelesi úsh aıda eń kóp zardap shekken Paktıka jáne Host provınsıalaryndaǵy 362 myń adamǵa shuǵyl kómek kórsetýge arnalǵan.
Aýǵanstandaǵy jer silkinisi saldarynan turǵyn úıler, medısınalyq mekemeler men mektepterdiń ǵımarattary qırap qalǵany atap ótildi. Sondaı-aq, sý jáne elektr jelileri zaqymdanǵan.
«Jańa úndeý Aýǵanstanǵa gýmanıtarlyq kómek kórsetý josparynyń basym bóligi bolyp tabylady, ol bıylǵy jyly 4,4 mıllıard dollardy bosatýdy kózdeıdi. Ókinishke oraı, jospar tek 34% ǵana qarjylandyrylǵan», - delingen habarlamada.
Ótken jumada BUU-nyń tótenshe jaǵdaılar jónindegi gýmanıtarlyq úılestirýshisi Martın Grıffıts Aýǵanstanǵa tótenshe jaǵdaılarǵa jaýap berý ortalyq qorynan 10 mıllıon dollar bólý týraly sheshim qabyldaǵanyn habarlady.
Habarlanǵandaı, 22 maýsym kúni jergilikti ýaqyt boıynsha saǵat 01:30-da Aýǵanstannyń ońtústik-shyǵys aımaǵynda magnıtýdasy 5,9 bolatyn jer silkinisi boldy. 24 maýsymda tańǵy saǵat 10:00-de Paktıkanyń Gıan aýdanynda dúmpý bolyp, keminde bes adam qaza taýyp, 11 adam jaraqat aldy.
BUU málimeti boıynsha, osy ýaqytqa deıin 800-ge jýyq adam qaza taýyp, 1400-den astamy jaralanǵan, birneshe myń úı qıraǵan nemese búlingen.