Bul týraly Óńirlik komýnıkasıalar qyzmetiniń brıfıńinde Almaty qalasy qarjy basqarmasy basshysynyń mindetin atqarýshy Altynaı Tóleýtaeva aıtty, dep habarlaıdy Almaty-akshamy.kz.
Ótken jyldyń qorytyndysy boıynsha, qala turǵyndarynyń bastamasymen Almatyda jalpy quny 5,4 mlrd.teńge bolatyn 256 joba iske asyrylyp, paıdalanýǵa berildi.
«Árbir iske asyrylǵan joba ózinshe biregeı, qalalyqtardyń eń jaqsy pikirlerine ıe bolǵan jobalar bar. Mysaly, Alataý aýdanynyń "Shańyraq-2" jáne "Tomırıs" shaǵynaýdandaryndaǵy balalar men sport alańdary kópshiliktiń kóńilinen shyqty», - dedi brıfıńte Almaty qalasy qarjy basqarmasy basshysynyń mindetin atqarýshy Altynaı Tóleýtaeva.
Aǵymdaǵy jyldyń 1 maýsymynan bastap Almatyda «Halyqtyń búdjetke qatysýy» aıasynda jobalyq usynystardy qabyldaý bastaldy, olardy iske asyrý 2023 jylǵa josparlanyp otyr. Ótinim berý merzimi budget.open-almaty.kz saıty arqyly 20 shildege deıin.