Almaty ákimi Erbolat Dosaev Ortalyq komýnıkasıalar qyzmetinde ótken brıfıńte mektepterdi bir aýysymdy oqytýǵa kóshirý merzimi men oqýshy oryndarynyń tapshylyǵyn azaıtý úshin qabyldanyp jatqan sharalar týraly jýrnalıserdiń suraǵyna jaýap berdi. dep habarlaıdy aqshamnews.kz
«Bıyl biz 43 mektepti bir aýysymdy oqytýǵa kóshirý úderisin bastadyq – bul meniń armanym edi, balalar bir aýysymda oqysa degen. Biz bul bastamanyń oń áserin kórip otyrmyz. Uzaq merzimdi perspektıvada 2027 jyldyń sońyna deıin mektepterdiń kem degende 40%-yn, shamamen 95 mektepti bir aýysymda oqytýǵa kóshirý josparlanyp otyr. Bul oqýshylardyń júktemesin azaıtyp, qosymsha sabaqtardy uıymdastyrýǵa múmkindik beredi, sebebi bir aýysymǵa kóshý eki aýysymdy rejımnen týyndaıtyn júktemeni jeńildetedi», – dedi Erbolat Dosaev.
Ákimniń aıtýynsha, oqý jylynyń basynda qala mektepterinde oqýshy oryndarynyń tapshylyǵy shamamen 30 myń bolǵan. Memleket basshysynyń bastamasymen qolǵa alynǵan «Jaıly mektep» jobasy bul máseleni sheshýge múmkindik beredi.
«Jaıly mektep» jobasy aıasynda biz 22 myń oqýshy ornyn ashamyz. Osy sharalardyń arqasynda kelesi oqý jylyna qaraı oryn tapshylyǵy «basqarylatyn» deńgeıge – 3-4 myń orynǵa deıin tómendeıdi. Odan ári ákimdik bilim berý nysandaryn óz qarajaty esebinen salý jáne jańǵyrtý jumystaryn jalǵastyrady. Bul aldaǵy ýaqytta oryn tapshylyǵynyń kóbeıip ketýine jol bermeıdi», – dedi qala ákimi.