«Shenchjoý-14» ǵarysh kemesi jeksenbide Qytaıdyń soltústigindegi İshki Mońǵolıa avtonomıalyq aımaǵynda (İMAA) dalaǵa qonady. Bul týraly basqarylatyn ǵaryshqa ushý baǵdarlamasynyń QHR basqarmasy málim etti, dep habarlaıdy Almaty-akshamy.kz Inform.kz-ke silteme jasap.
Basqarmanyń habarlaýynsha, barlyq josparlanǵan mısıalardy aıaqtaǵan qytaılyq ǵaryshkerler, «Shenchjoý-14» ǵarysh kemesiniń ekıpaj músheleri 4 jeltoqsanda Jerge oralady. Ekıpaj İMAA aýmaǵyndaǵy «Dýnfen» qoný alańyna qonady.
3 jeltoqsanda Qytaıdyń orbıtalyq stansıasynda qytaılyq ǵaryshkerler alǵash ret basqarylatyn «Shenchjoý» kemelerin aınaldyrdy. Ekıpajdar ǵarysh stansıasynyń kiltterin berýdiń sımvoldyq rásimin ótkizdi.
Qytaı ortalyq telearnasynyń (CCTV) habarlaýynsha, «Shenchjoý-16» ǵarysh kemesi Qytaıdyń orbıtalyq stansıasynda apattyq-qutqarý jumystaryn júrgizýge daıyndalǵan.
«Shenchjoý-16» ǵarysh kemesin qurastyrý jáne synaqtan ótkizý jumystary aıaqtaldy jáne apattyq-qutqarý jumystary kútilýde, dep habarlady CCTV.
Buǵan deıin málim bolǵandaı, 30 qarashada bortynda úsh ǵaryshkeri bar «Shenchjoý-15» ǵarysh kemesi orbıtalyq stansıamen túıisken.
QHR-dyń orbıtalyq stansıasy shamamen 400 km bıiktikte ornalasqan jáne 10 jyldan astam ýaqyt jumys isteýge arnalǵan.