Keı jerlerde 35-41°s ystyq bolady.
«Qazgıdromet» RMK búgingi kún raıy boljamyn jarıalady, dep habarlaıdy Almaty-akshamy.kz
Kásiporyn taratqan derekterge qaraǵanda, shildeniń 17-si kúni atmosferalyq frontaldy bólikterdiń ótýine baılanysty Qazaqstannyń batysynda, soltústiginde, ońtústiginde kún qubylmaly boady. Keı jerlerde jańbyr , burshaq jaýady, keı jerlerde naızaǵaı oınap, jel kúsheıedi. Al eldiń qalǵan aýmaqtarynda kóbine kún jaýyn-shashynsyz bolady. Respýblıka boıynsha jel kúsheıip, túnde elimizdiń soltústik-shyǵysynda tuman túsedi.
Kúndiz Aqmola, Jambyl, Almaty, Qyzylorda oblystarynda, Abaı, Shyǵys Qazaqstan, Qaraǵandy oblystarynyń ońtústiginde, Ulytaý oblysynyń soltústiginde, ortalyǵynda, Túrkistan oblysynyń batysynda jáne shóldi aýdandarynda 35-41°s qatty ystyq kútiledi.
Túrkistan, Almaty, Shyǵys Qazaqstan, Pavlodar, Qaraǵandy, Qyzylorda, Jambyl, Mańǵystaý, Aqmola, Soltústik Qazaqstan, Ulytaý, Abaı, Jetisý oblystarynda, Aqtóbe oblysynyń ońtústiginde, ońtústik-shyǵysynda, Qostanaı oblysynyń ońtústiginde, Atyraý oblysynyń batysynda, shyǵysynda tótenshe órt qaýpi kútiledi.