Bul mereke 1997 jylǵy 24 qarashada Qorǵanys mınıstriniń Qarýly kúshterdiń qajettilikteri úshin pedagogıkalyq jáne ǵylymı kadrlardy daıarlaý týraly buıryǵynyń shyǵýymen baılanysty.
Armıanyń jaýyngerlik ázirligi men jaýyngerlik qabileti kóbine áskerı ǵylymnyń jaı-kúıine jáne muǵalimderdiń kásibı deńgeıine baılanysty. Bul turǵyda ulttyq qaýipsizdik pen qorǵanys múddelerin zertteýge, sondaı-aq ǵylym men tájirıbeni biriktirýge kóp kóńil bólinedi. Jasandy ıntellekt tehnologıalaryn damytýǵa, zamanaýı qarý-jaraq júıelerin, ushqyshsyz basqarylatyn qurylǵylardy jáne kıberqaýipsizdik quraldaryn jasaýǵa basa nazar aýdarylýda.
Jalpy, Qorǵanys mınıstrliginiń ǵylymı-bilim berý qoǵamdastyǵynda 10 ǵylym doktory, 70 fılosofıa doktory (PhD) jáne 51 ǵylym kandıdaty bar. Olardyń kúshimen 40 oqý quraly men 22 monografıa jaryq kórdi, 590-nan asa ǵylymı maqala jarıalandy, onyń 82-si halyqaralyq basylymdarǵa shyqty. Olardyń esebinde 13 tirkelgen patent jáne 39 zıatkerlik menshik týraly kýálik bar. Granttyq qarjylandyrý sheńberinde 21 ǵylymı jáne 12 baǵdarlamalyq-nysanaly jobany iske asyrý jumystary júrgizilýde.
Qorǵanys mınıstrligi, ǵylymı qoǵamdastyq bilim berý mekemelerine zertteý JOO mártebesin berý sharalaryn qabyldaýda. Eldiń joǵary áskerı bilim oshaqtary – Qazaqstan Respýblıkasynyń Ulttyq qorǵanys ýnıversıteti, Qurlyq áskerleriniń áskerı ınstıtýty, Áýe qorǵanysy kúshteriniń áskerı ınstıtýty jáne Radıoelektronıka jáne baılanys áskerı-ınjenerlik ınstıtýty. Bul bilim ordalarynda 10 ǵylym doktory, 53 fılosofıa doktory (PhD) jáne 48 ǵylym kandıdaty sabaq beredi.
Áskerı pedagogtar oqytý ádisterin únemi jetildirip otyrady. Tájirıbege údetkishter men trenajerlerdi qoldaný engizilýde. Naqty urysqa barynsha jaqyndatylǵan jaǵdaıda ımıtasıalaý kýrsanttardyń qajetti jaýyngerlik jáne taktıkalyq mashyqtaryn shyńdaıdy.
Áskerı bilim men ǵylymnyń búkil júıesi áskerı qyzmetshilerdiń kásibı daǵdylaryn, strategıalyq oılaýyn jáne qazirgi zamanǵy syn-tegeýrinderge beıimdelý qabiletin qalyptastyrýǵa baǵyttalǵan.