Elimizde 2023 jyldan beri maýsym aıynyń úshinshi jeksenbisi «Ákeler kúni» merekesi bolyp atalyp keledi.
Bul merekeni atap ótýdegi basty maqsat – elimizdegi otbasylyq qundylyqtardy ilgerletý, otbasy ınstıtýtyn nyǵaıtý, ákelerdiń qoǵamdaǵy rólin aıshyqtaý.
Memleket basshysy Q.Toqaev: «Halqymyz qaı zamanda da otbasy dástúrin berik ustanyp, qadirleı bilgen. Áke-sheshesiniń, ata-ájesiniń tárbıesin kórip, úlkenderden taǵylym alyp ósken bala eseıgende otanshyl, bilimpaz, eńbekqor azamatqa aınalady», degeni belgili. Halqymyzdyń «Otan otbasynan bastalady» degen naqyl sóziniń máni de osynda bolsa kerek. Ultty túzeý úshin otbasyndaǵy tárbıeni túzeý kerek desek, otbasynda ákeniń roli mańyzdy.
Bul mereke Qazaqstandaǵy otbasylyq qundylyqtardy ilgeriletýge, otbasy ınstıtýtyn nyǵaıtýǵa, sondaı-aq ákeler ınstıtýtyn damytýǵa yqpal etedi. Júz mektep bere almaıtyn tárbıeni boıǵa sińirip, taýdan bıik talapty bolýdy úıretetin asqar taýdyń jóni dara ekeni daýsyz.