London qor bırjasynda munaı baǵasy tómendedi. Saýda-sattyq derekterine sáıkes, elorda ýaqytymen 9:44-tegi jaǵdaı boıynsha Brent markaly munaıynyń shildedegi fúchersteri 2,35 paıyzǵa quldyrap, barreline 81,63 dollarǵa jetti.
WTI munaı fúchersteriniń baǵasy shilde aıynda 2,03 paıyzǵa tómendep, barreline 77,62 dollardy qurap otyr, dep habarlaıdy almaty-akshamy.kz.
29-mamyrdaǵy kórsetkish joǵary. ICE Brent CrudeFutures munaı fúchersteriniń shilde aıyndaǵy fúchersteriniń baǵasy barreline 84 dollardan asty, al WTI-degi fúchersterde barreline 80 dollardan joǵary boldy.
Búginde treıderler Taıaý Shyǵystaǵy jaǵdaıdy baqylaýda ustap otyr. 2 maýsymda ótetin OPEK+ elderi ókilderiniń kezdesýinde Aláns munaı óndirýde qoldanystaǵy shekteýlerdi uzartady dep kútilýde.