Internetti sońǵy jyldary mán-maǵynasyz kórinetin memder men qysqa vıdeolar jaýlap aldy. «Skıbıdı-týalet» pen «Bombardıro Krokodılo» sıaqty beınelerdi mıllıondaǵan adam kóredi.
Mundaı kontentti búginde breınrot dep ataıdy – aǵylshynsha brain («mı») jáne rot («shirik») sózderinen quralǵan uǵym, - dep habarlaıdy Aqshamnews.kz.
«Breınrot» sózin alǵash 1854 jyly amerıkandyq fılosof Genrı Devıd Toro qoldanǵan. Ol qoǵamdaǵy oıdyń jeńildeýin «mı shirigi» dep synaǵan. Al ınternet dáýirinde bul sóz maǵynasyz, biraq vırýstaı taraıtyn kontentke baılanysty aıtylyp júr.
2023 jyly shyqqan «Skıbıdı-týalet» shoýynan keıin termın tipti keńinen taraldy. 2024 jyly Oksford sózdigi «breınrotty» «jyl sózi» dep atady.
Qazirgi jastardyń nazar aýdarý nemese zeıin qoıý ýaqyty qysqarǵan. Eger 2004 jyly adamnyń ortasha konsentrasıasy 2,5 mınýt bolsa, qazir nebary 47 sekýnd. Osyndaı jaǵdaıda túsindirmesiz, absýrd beınelerdi kórý ońaı ári tartymdy bolyp kórinedi.
Mıǵa zıany qandaı?
- Ǵalymdar breınrot-kontenttiń birneshe keri áserin atap ótedi:
- jady (eske saqtaý) men sheshim qabyldaý qabileti álsireıdi;
- aqparatty saqtaý qıyndaıdy;
- ýaqyttyń kóp bóligi mánsiz skrollıngke ketedi.
Qalaı qorǵanýǵa bolady?
- Qysqa vıdeoǵa ketken ýaqytty shekteý;
- Ekran ýaqytyn baqylaıtyn qosymshalar qoldaný.
- Dıdjıtal-detoks jasap kórý
- Jeke damýǵa paıdaly isterge ýaqyt bólińiz: kitap oqý, sýret salý, mýzyka.
- Dostarmen jáne otbasyńyzben oflaın qarym-qatynasty kúsheıtý.
Breınrot — kúlki syılaıtyn, biraq mıǵa salmaq túsiretin qubylys. Aqparatty sanaly tutyný arqyly ǵana onyń zıanyn azaıtyp, ýaqytyńyzdy tıimdi ótkize alasyz.